4 គេដេកគិតបង្កើតការទុច្ចរិតនៅលើដំណេកខ្លួនក៏តាំងខ្លួនដើរតាមផ្លូវដែលមិនល្អគេមិនចេះខ្ពើមការអាក្រក់ឡើយ។
5 ៙ ឱព្រះយេហូវ៉ាអើយ សេចក្ដីសប្បុរសនៃទ្រង់ខ្ពស់ដល់ផ្ទៃមេឃសេចក្ដីស្មោះត្រង់នៃទ្រង់ក៏ដល់ពពកផង
6 សេចក្ដីសុចរិតរបស់ទ្រង់ដូចជាភ្នំនៃព្រះសេចក្ដីវិនិច្ឆ័យរបស់ទ្រង់ដូចមហាសមុទ្រដ៏ជ្រៅឱព្រះយេហូវ៉ាអើយ ទ្រង់ទំនុកបំរុងទាំងមនុស្សនិងសត្វផង
7 ឱព្រះអង្គអើយ សេចក្ដីសប្បុរសនៃទ្រង់ថ្លៃវិសេសយ៉ាងណាហ្ន៎ពួកមនុស្សលោកក៏ជ្រកនៅម្លប់នៃស្លាបទ្រង់
8 គេនឹងបានឆ្អែត ដោយរបស់ដ៏បរិបូរក្នុងដំណាក់ទ្រង់ហើយទ្រង់នឹងឲ្យគេផឹកពីទន្លេនៃសេចក្ដីអំណររបស់ទ្រង់
9 ដ្បិតឯជ្រោះនៃជីវិត នោះនៅជាមួយនឹងទ្រង់នៅក្នុងពន្លឺនៃទ្រង់ នោះយើងខ្ញុំនឹងបានភ្លឺ
10 ឱសូមទ្រង់ចេះតែផ្តល់សេចក្ដីសប្បុរសដល់អស់អ្នកដែលស្គាល់ទ្រង់តទៅហើយសេចក្ដីសុចរិតរបស់ទ្រង់ ដល់អស់អ្នកដែលមានចិត្តទៀងត្រង់ផង