19 គេនឹងមិនត្រូវខ្មាសក្នុងគ្រាអាក្រក់ឡើយហើយនៅវេលាអំណត់ នោះគេនឹងបានឆ្អែត។
20 ៙ តែមនុស្សអាក្រក់នឹងត្រូវវិនាសទៅហើយពួកខ្មាំងនៃព្រះយេហូវ៉ា នឹងដូចជាខ្លាញ់កូនចៀមគេនឹងត្រូវសូន្យបាត់ទៅ គេនឹងឆេះទៅជាផ្សែងអស់រលីង
21 ឯមនុស្សអាក្រក់គេខ្ចីឥតសងវិញឡើយតែមនុស្សសុចរិតគេមានគុណ ហើយក៏ឲ្យទានវិញ
22 ដ្បិតអស់អ្នកដែលទទួលព្រះពរពីទ្រង់នោះនឹងបានផែនដីជាមរដកតែអស់អ្នកដែលទ្រង់ដាក់បណ្តាសាវិញនោះនឹងបានត្រូវកាត់ចោលចេញ។
23 ៙ គឺព្រះយេហូវ៉ាដែលដំរូវអស់ទាំងជំហាននៃមនុស្សល្អហើយទ្រង់សព្វព្រះហឫទ័យនឹងផ្លូវដែលគេដើរដែរ
24 ទោះបើគេភ្លាត់ដួលគង់តែមិនត្រូវដួលទាំងស្រុងទេដ្បិតព្រះយេហូវ៉ាទ្រង់ទ្រអ្នកនោះដោយព្រះហស្ត
25 យើងពីដើមនៅក្មេង ឥឡូវនេះចាស់ហើយតែមិនដែលឃើញមនុស្សសុចរិតត្រូវលះបង់ចោលឬពូជពង្សគេសូមទានអាហារឡើយ