3 ដ្បិតមើល ឱព្រះយេហូវ៉ាអើយគេលបចាប់ជីវិតទូលបង្គំពួកមនុស្សខ្លាំងពូកែគេប្រជុំគ្នាទាស់នឹងទូលបង្គំមិនមែនដោយព្រោះអំពើរំលងឬអំពើបាបរបស់ទូលបង្គំឡើយ
4 គេរត់មកត្រៀមខ្លួន ឥតទូលបង្គំធ្វើខុសអ្វីផងសូមទ្រង់តើនឡើងមកជួយទូលបង្គំហើយពិចារណាមើល
5 ឱព្រះយេហូវ៉ា ជាព្រះនៃពួកពលបរិវារគឺជាព្រះនៃសាសន៍អ៊ីស្រាអែលអើយសូមទ្រង់តើនឡើងមកដាក់ទោសដល់ពួកសាសន៍ដទៃសូមកុំអាណិតមេត្តាដល់អ្នកណាមួយដែលរំលងដោយកាចអាក្រក់ឡើយ។ –បង្អង់
6 ៙ គេត្រឡប់មកវិញរាល់តែល្ងាចគេលូដូចជាឆ្កែ ព្រមទាំងដើរក្រវែលទីក្រុង
7 មើល គេភើចេញមកពីមាត់គេក៏មានដាវនៅបបូរមាត់ដ្បិតគេថា តើមានអ្នកណានឹងឮ
8 តែឱព្រះយេហូវ៉ាអើយទ្រង់នឹងសើចឡកឲ្យគេទ្រង់នឹងចំអកឲ្យពួកសាសន៍ដទៃទាំងអស់ផង
9 ហេតុដោយព្រោះគេមានកំឡាំងខ្លាំងបានជាទូលបង្គំសំឡឹងមើលដល់ទ្រង់ដ្បិតព្រះទ្រង់ជាប៉មយ៉ាងខ្ពស់នៃទូលបង្គំ