1 សូមព្រះអង្គទ្រង់ឈរឡើងឲ្យពួកខ្មាំងសត្រូវទ្រង់ត្រូវខ្ចាត់ខ្ចាយទៅហើយឲ្យអស់អ្នកដែលស្អប់ទ្រង់ រត់ពីចំពោះទ្រង់ចេញ
2 សូមទ្រង់បណ្តេញគេចេញដូចជាផ្សែងត្រូវផាត់បាត់ទៅដែរសូមឲ្យពួកមនុស្សអាក្រក់វិនាសបាត់ពីចំពោះព្រះទៅដូចជាក្រមួនដែលរលាយទៅ នៅចំពោះភ្លើង
3 តែសូមឲ្យមនុស្សសុចរិតបានរីករាយសប្បាយវិញឲ្យគេបានត្រេកអរនៅចំពោះព្រះចុះអើ សូមឲ្យគេបានរីករាយឡើងដោយសេចក្ដីអំណរផង
4 ចូរច្រៀងថ្វាយព្រះ ចូរច្រៀងសរសើរដល់ព្រះនាមទ្រង់ចូរលើកថ្នល់ឡើងថ្វាយព្រះ ដែលទ្រង់ជិះយាងកាត់ទីរហោស្ថានមកទ្រង់ព្រះនាមជាព្រះយេហូវ៉ាចូរលោតកញ្ឆេងនៅចំពោះទ្រង់ចុះ