8 ដោយនឹកក្នុងចិត្តថា ចូរយើងកំទេចចេញឲ្យអស់គេក៏ដុតបំផ្លាញអស់ទាំងសាលាប្រជុំនៃព្រះដែលនៅក្នុងស្រុកដែរ។
9 ៙ យើងខ្ញុំមិនឃើញទង់របស់យើងខ្ញុំទៀតទេក៏គ្មានហោរាណាទៀតឡើយហើយឥតមានអ្នកណាក្នុងពួកយើងខ្ញុំដែលដឹងជាការនេះ នឹងបានដល់យូរប៉ុណ្ណាដែរ
10 ឱព្រះអង្គអើយ ពួកទាស់ទទឹងនឹងដៀលត្មះដល់កាលណាតើពួកខ្មាំងសត្រូវនឹងប្រមាថដល់ព្រះនាមទ្រង់ជាដរាបឬ
11 ហេតុអ្វីបានជាទ្រង់ដកព្រះហស្តគឺព្រះហស្តស្តាំនៃទ្រង់ចេញដូច្នេះសូមទ្រង់ដកព្រះហស្តចេញពីព្រះឧរាមកហើយបំផ្លាញគេចុះ។
12 ៙ ប៉ុន្តែព្រះទ្រង់ជាមហាក្សត្រនៃទូលបង្គំតាំងតែពីបុរាណមកទ្រង់ក៏ប្រោសប្រទានសេចក្ដីសង្គ្រោះនៅកណ្តាលផែនដី
13 ទ្រង់បានញែកទឹកសមុទ្រដោយឫទ្ធិរបស់ទ្រង់ក៏បានបំបែកក្បាលអស់ទាំងសត្វសំបើមនៅក្នុងទឹក
14 ទ្រង់បានកិនកំទេចក្បាលរបស់ក្រពើព្រមទាំងប្រទានសាច់វាទុកជាអាហារដល់ពួកមនុស្សដែលនៅទីរហោស្ថាន