24 ហើយបង្អុរនំម៉ាន៉ា ឲ្យធ្លាក់មកលើគេ ដូចជាភ្លៀងសំរាប់គេបរិភោគគឺទ្រង់ប្រទានអាហារពីស្ថានសួគ៌ដល់គេ
25 គេបានបរិភោគនំរបស់ពួកទេវតាទាំងអស់គ្នាទ្រង់បានផ្ញើអាហារមកគេឲ្យបានឆ្អែត។
26 ៙ ទ្រង់បានធ្វើឲ្យខ្យល់ពីទិសខាងកើតបក់នៅលើមេឃហើយបាននាំខ្យល់ពីទិសខាងត្បូងដោយព្រះចេស្តារបស់ទ្រង់
27 ក៏ទំលាក់សាច់មកលើគេដូចជាធូលីដីគឺជាសត្វស្លាបជាច្រើន ដូចជាខ្សាច់នៅសមុទ្រ
28 ទ្រង់ឲ្យធ្លាក់នៅព័ទ្ធជុំវិញលំនៅរបស់គេគឺនៅកណ្តាលទីដំឡើងត្រសាល
29 ដូច្នេះ គេក៏បរិភោគទៅ ហើយបានឆ្អែតពេញបន្ទុកទ្រង់បានប្រទានឲ្យ តាមបំណងចិត្តគេ
30 គឺគេមិនទាន់អស់អាល័យក្នុងចិត្តហើយកាលអាហារនោះនៅក្នុងមាត់គេនៅឡើយ