38 ប៉ុន្តែចំណែកទ្រង់មានសេចក្ដីមេត្តាករុណាបានជាទ្រង់អត់ទោសចំពោះសេចក្ដីទុច្ចរិតរបស់គេហើយមិនបានបំផ្លាញគេទេអើ ទ្រង់បានបង្វែរសេចក្ដីខ្ញាល់ទ្រង់ចេញជាញយៗឥតឲ្យសេចក្ដីក្រោធរបស់ទ្រង់ផុលឡើងទាំងអស់ឡើយ
39 ទ្រង់បាននឹកចាំថា គេគ្រាន់តែជាសាច់ឈាមប៉ុណ្ណោះគឺជាខ្យល់ដែលបក់កន្លងហួសទៅ ឥតមកវិញឡើយ។
40 ៙ ប៉ុន្មានដងហើយ ដែលគេបះបោរនឹងទ្រង់នៅទីរហោស្ថានហើយនាំឲ្យព្រួយព្រះហឫទ័យនៅទីល្ហល្ហេវ
41 គឺគេបានបែរជាល្បងលព្រះវិញទៀតហើយគេបិទផ្លូវព្រះដ៏បរិសុទ្ធនៃសាសន៍អ៊ីស្រាអែល
42 គេមិនបាននឹកចាំពីព្រះហស្តទ្រង់ឬពីថ្ងៃដែលទ្រង់បានដោះគេចេញពីខ្មាំងសត្រូវ
43 ឬពីបែបយ៉ាងណាដែលទ្រង់បានសំដែងទីសំគាល់របស់ទ្រង់នៅស្រុកអេស៊ីព្ទនិងការអស្ចារ្យ នៅទីវាលសូអានឡើយ
44 ទ្រង់បានធ្វើឲ្យទន្លេ និងព្រែករបស់សាសន៍អេស៊ីព្ទត្រឡប់ទៅជាឈាមឲ្យគេផឹកទឹកនោះមិនបាន