1 ឱព្រះអង្គអើយ ពួកសាសន៍ដទៃបានចូលរុករានក្នុងមរដកទ្រង់ហើយគេបានបង្អាប់ព្រះវិហារបរិសុទ្ធនៃទ្រង់ហើយបានបំផ្លាញក្រុងយេរូសាឡិម ឲ្យទៅជាគំនរថ្ម
2 គេបានប្រគល់ខ្មោចនៃពួកអ្នកបំរើទ្រង់ទុកជាអាហារដល់សត្វហើរលើអាកាសនិងសាច់នៃពួកអ្នកបរិសុទ្ធរបស់ទ្រង់ដល់សត្វនៅផែនដី
3 គេបានកំចាយឈាមរបស់អ្នកទាំងនោះដូចជាទឹកនៅជុំវិញក្រុងយេរូសាឡិមឥតមានអ្នកណាកប់ខ្មោចឡើយ
4 យើងខ្ញុំបានត្រឡប់ជាទីដៀលត្មះដល់ពួកអ្នកជិតខាងហើយជាទីស្អប់ខ្ពើមនិងជាទីសើចឡកដល់ពួកអស់អ្នកដែលនៅជុំវិញផង
5 ឱព្រះយេហូវ៉ាអើយ តើដល់កាលណាទៀតតើទ្រង់នឹងមានសេចក្ដីខ្ញាល់ជានិច្ចឬអីតើសេចក្ដីប្រចណ្ឌនៃទ្រង់នឹងឆេះដូចជាភ្លើងឬ
6 សូមចាក់សេចក្ដីក្រោធរបស់ទ្រង់ទៅលើសាសន៍ដទៃដែលមិនស្គាល់ទ្រង់ហើយលើអស់ទាំងនគរដែលមិនអំពាវនាវដល់ព្រះនាមទ្រង់វិញ