3 ទ្រង់ធ្វើឲ្យមនុស្សត្រឡប់ទៅជាធូលីដីវិញដោយព្រះបន្ទូលថា អស់ទាំងមនុស្សជាតិអើយចូរត្រឡប់វិលទៅវិញចុះ
4 ដ្បិតនៅព្រះនេត្រទ្រង់ នោះ១ពាន់ឆ្នាំរាប់ដូចជាថ្ងៃម្សិលដែលកន្លងហួសទៅហើយក៏ដូចជាយាម១ក្នុងវេលាយប់ប៉ុណ្ណោះ
5 ទ្រង់កៀរយកគេទៅ ដូចជាទឹកជន់ដូចជាដេកលក់មួយស្របក់ប៉ុណ្ណោះនៅពេលព្រឹកគេធៀបដូចជាស្មៅដែលលាស់ឡើង
6 គឺនៅពេលព្រឹកវារីកផ្កា ហើយលាស់ឡើងដល់ល្ងាចគេត្រូវច្រូតកាត់ទៅ ហើយក៏ក្រៀមស្វិតវិញ
7 ដ្បិតយើងខ្ញុំត្រូវវិនាសទៅដោយសេចក្ដីខ្ញាល់របស់ទ្រង់ហើយសេចក្ដីក្រោធរបស់ទ្រង់ក៏បំភ័យយើងខ្ញុំ
8 ទ្រង់បានដាក់អស់ទាំងអំពើទុច្ចរិតរបស់យើងខ្ញុំនៅចំពោះទ្រង់ព្រមទាំងអំពើបាបដែលយើងខ្ញុំប្រព្រឹត្តដោយលាក់កំបាំងឲ្យនៅក្នុងពន្លឺនៃព្រះភក្ត្រទ្រង់ផង
9 ដ្បិតអស់ទាំងថ្ងៃអាយុរបស់យើងខ្ញុំបានកន្លងបាត់ទៅដោយសេចក្ដីក្រោធនៃទ្រង់យើងខ្ញុំបង្ហើយអាយុយើងខ្ញុំដូចជាសូរថ្ងូរ