9 umondli wezilwanyana ngokutya kwazo,umfunzeli wamathol' ehlungulu azibikayo.
10 Yena akakuhoye nganto ukukhalipha kwehashe,engabukhathalele nobungwanyalala bezitho zendoda,
11 koko yena uNdikhoyo uthanda abamhlonelayo,abo bakholosa ngezibele zakhe ezingatshitshiyo.
12 Duma ubonge uNdikhoyo, Jerusalem!Mbonge uThixo wakho, Ziyon!
13 Kaloku nguye owomeleza imivalo yamasango akho;nguye othamsanqela abantu bakho.
14 Nguye omisela inzolo phakathi kwemida yakho;ikwanguye okwanelisa ngeyona-yona ngqolowa.
15 Yena uthetha ngelizwi nje qha,ngoko nangoko lityhutyhe ihlabathi.