1 *Ndikhoyo, ndiya kucula ngezibele zakho njalo-njalo;ukuthembeka kwakho ndokubhengeza kuzo zonke izizukulwana.
2 Ndiya kububengeza obakho ububele ukuba soze butshitshe;ukuthembeka kwakho ukuzinzisile emazulwini.
3 Kaloku wena wathi:“Ndenze umnqophiso kunye nomnyulwa wam;ndinqophisene nesicaka sam uDavide, ndathi:
4 ‘Ndiya kuyimisela ngonaphakade inzala yakho;ndoluxhasa ulawulo lwakho lungabi nasiphelo.’ ”
5 Amazulu ababaza imimangaliso yakho, Ndikhoyo,ukuthembeka kwakho ebandleni lemilowo yakwakho!
6 Esibhakabhakeni ngubani onokulinganiswa nawe, Ndikhoyo,ingubani kwabasemazulwini ofana nawe?