10 Ac am fod Duw yn canfod hyn,Duw yw f’amddiffyn innau:Duw sydd iachawdur i bob rhai,sydd lân ddifai’i calonnau.
11 Felly mae Duw byth ar yr iawn,a Duw yw’r cyfiawn farnydd:Wrth yr annuwiol ar bob tromae Duw yn digio beunydd.
12 Ac oni thry’r annuwiol câs,fo lifa’i loywlas gleddau:Ar ynnyl y mae bwa’r Ion,a’i barod lymion saethau.
13 Sef arfau angau at y nod,y maent yn barod ddigon:Ac ni saetha ef ergyd byrrat yr erlidwyr poethion.
14 Wele hanes y gelyn drwg,efe a ymddwg ar draha:O chwydd ar gamwedd, beichiog fydd,ar gelwydd yr esgora.
15 Cloddiodd ef bwll hyd eigion llawr,o fwriad mawr i’r truan:Ac ef a syrthiodd ymron bawdd,i’r dyfn i’w glawdd ei hunan.
16 Ei holl enwiredd ar ei ben,o uchder nen a ddisgyn:A Duw a ddymchwyl yr un wedd,ei gamwedd ar ei goryn.