34 ព្រះអង្គបង្ហាត់ខ្ញុំឲ្យស្ទាត់ជំនាញខាងធ្វើសឹកនិងឲ្យខ្ញុំមានកម្លាំងយឹតធ្នូលង្ហិនបាន។
35 ឱព្រះអម្ចាស់អើយព្រះអង្គការពារ និងសង្គ្រោះទូលបង្គំព្រះអង្គគាំទ្រទូលបង្គំដោយឫទ្ធិបារមីរបស់ព្រះអង្គហើយព្រះអង្គលើកទូលបង្គំឡើងដោយព្រះហឫទ័យមេត្តា។
36 ព្រះអង្គការពារទូលបង្គំមិនឲ្យខ្មាំងសត្រូវដេញទាន់មិនឲ្យទូលបង្គំភ្លាត់ជើងដួលឡើយ។
37 ទូលបង្គំដេញតាមពួកខ្មាំងសត្រូវនិងចាប់ពួកគេបានហើយទូលបង្គំមិនត្រឡប់មកវិញទេដរាបទាល់តែបានកម្ទេចពួកគេអស់។
38 ទូលបង្គំកាប់សម្លាប់ពួកគេមិនឲ្យពួកគេក្រោកឡើងវិញបានឡើយពួកគេដួលស្លាប់នៅនឹងជើងរបស់ទូលបង្គំ។
39 ព្រះអង្គប្រទានឲ្យទូលបង្គំមានកម្លាំងនឹងធ្វើសឹក និងមានជ័យជំនះលើខ្មាំងសត្រូវ។
40 ព្រះអង្គបានធ្វើឲ្យពួកគេបាក់ទ័ពរត់នៅមុខទូលបង្គំហើយទូលបង្គំបានធ្វើឲ្យអស់អ្នកដែលស្អប់ទូលបង្គំវិនាសសូន្យអស់ទៅ។